Dyddiad Cau: Mehefin 6fed 2008

Nid yw categori Gwobrau’r Gymdogaeth yn un cystadleuol. Cafodd ei lunio i hybu cymunedau yng Nghymru sydd heb gymryd rhan yn flaenorol yn Ymgyrch Cymru yn ei Blodau.

I gychwyn, y cyfan sydd angen ei wneud yw ffurfio pwyllgor yn eich Cymdogaeth. Does dim rhaid iddo fod yn bwyllgor ffurfiol, dim ond ychydig o ffrindiau neu gymdogion sy’n rhannu’r un dyheadau! Nodwch ardal fyddai’n elwa, yn eich barn chi, o wneud gwelliannau iddi er mwyn sicrhau bod yr ardal yr ydych chi’n byw ynddi’n lanach ac yn wyrddach.

Bydd beirniaid Cymru yn ei Blodau’n dod i edrych ar eich cais yn ystod mis Awst, a byddant yn rhoi cyngor i chi ynghylch eich cais ac yn gwneud
awgrymiadau ar sut i’w ddatblygu.

Byddwch yn derbyn adroddiad ysgrifenedig a thystysgrif fydd yn nodi’r hyn a gyflawnwyd.

Y Gwobrau ar gael yw Gwelliant, Teilyngdod neu Ragorol yn dibynnu ar gyfanswm y pwyntiau a ddyfernir i chi.

Cyflwynir y tystysgrifau yn ein Seremoni Wobrwyo ar 19 Medi yn Venue Cymru, Llandudno.

Mae Cymru yn ei Blodau’n gweithio’n agos
gyda’r Gymdeithas Arddwriaethol Frenhinol
ar Gynllun Gwobrau’r Gymdogaeth.